長頭髮/脫髮

小學五年班畀媽咪帶我去髮型屋剪咗短髮之後, 就冇再剪短過頭髮. 好鍾意長頭髮, 唔係因為我鍾意鬢辮, 而係因為有好實際嘅用途~ 🙂 長頭髮冬天嘅時候好暖, 我當咗佢係頸巾.

而且長頭髮可以垂落嚟遮住我左右兩邊肥面 🙂 不過最近發覺頭頂開始脫髮, 額頭上面嘅位置. 可能因為我經常紮馬尾, 啲髮根扯住向後移, 重力聚曬去後面.

而家開始少綁頭髮, 同埋搵緊啲防止脫髮嘅洗頭水, 希望唔好咁後生就甩頭髮, 女仔人家甩頭髮唔靚女.