旗袍

見過我嘅朋友, 都知道我係比較大胸嘅. 呢個唔係一個優點, 因為大胸嘅人, 跑步係辛苦.

最近想開始減肥, 以我過往經驗, 減肥第一件事係會瘦個胸部. 腰部, 手臂, 大腿都係好似最後先會瘦嘅. 有啲人減完肥之後塊面都係一個圓形嘅麵包, 好似阿Sa, 佢個身唔肥, 但係佢塊面圓揼揼, 唔係笑佢, 我覺得咁樣幾可愛 🙂  所以今次減肥應該又係先瘦個胸部.
其實都有啲目標, 希望四個月之內瘦到 12公斤, 一個月減3公斤, 其實唔算進取, 要均衡飲食, 加跑步, 其實都有可能嘅.
點解無端端想減肥? 其實因為游蕙禎. 佢之前影咗一兩張旗袍相, 著得佢靚.

不過靚唔靚好個人觀感, 網上面好多人鬧佢, 我純粹用欣賞靚人嘅眼光, 佢係著得幾好睇, 而且我一向都鍾意旗袍 (笑)~~