東京之夜 signature 包

又夠鐘試新包,繼上次三個常規signature包之後,好快 M客棧 就出第四個款,叫做 東京之夜 ,咁我明住Leibby同科學精神,梗係試第四個 signature 包 啦!

公務同個人事情繁忙,終於有時間撰文講講。現實圖係咁嘅:

其實配料好簡單,就係 黑包 煎雞扒 煎蛋 ,再加上少少甜醬汁,口味溫和。係咪似東京(式漢堡),都約略似,料就無乜明顯特色。

執一執正先,係咁樣嘅。

料就足嘅,除咗黑色包大家未必睇得慣,味道正常。 以前M記都出過黑漢堡(同色同味)同白漢堡,並唔係咩新鮮事。 至於配料,都無乜大差別,都係雞或者豬或者牛,可以加芝士,可以加菜,或者加蕃茄咁。

如果回應返個主題,黑色對應黑夜係啱嘅,但我更期待有昔日 板燒雞腿包 個種風味。雖然唔少客受唔到黑椒辣味,但少少煎下塊雞 (而唔係炸) ,同埋加多啲醬汁,會比較惹味。 今日炸雞扒係唔錯,但最想改進係加多啲醬汁。

我喺呢度寫作已有頗長時間,而家想改一改筆風,下次將會撰寫更多唔同類型題材,嘗試加多少少 insight 。希望好快為大家發掘更加有趣嘅話題。